والي جنوب دارفور يعلن تفكيك معسكر كلمة خلال اسبوعين ويعتقل (7) من قيادات النازحين

اعلن والي جنوب دارفور ادم الفكي عزمه على تفكيك معسكر كلمة للنازحين احد اكبر المعسكرات في دارفور واخلائه من النازحين خلال اسبوعين في اطار خطة البشير للعودة الطوعية وانهاء وجود المعسكرات  في الاقليم بصورة نهائية بحث لايكون هناك معسكرا للنازحين بأواخر هذا العام. وقال الوالي  ادم الفكي في خطاب لمجموعة من العائدين لقرية بجنوب دارفور قال:  (معسكر كلمة ده بنفرتقوا  ذي السلام عليكم .. أسبوع اسبوعين نفتتوا وبعد داك نفرتكو ..مافي طريقة اصلا ) ، واضاف الفكي قائلا (ادونا اسبوع واحد حنخش جوه معسكر كلمة  ، عشان كده الناس احسن تمرق من المعسكر. واكد ان مشروع العودة الطوعية هو مشروع الرئيس  وهو من وجه بالعودة (عشان كده  لازم اي زول يرجع ) ، واشار الفكي في هذا الخصوص الى اخراج نازحي كاس المقيمين في المدارس من تلك المدارس بعد اعطاهم مهلة شهر، واخراجهم منها بالقوة بانتهاء المهلة . واكد انه وبنهاية العام 2018 الجاري (تاني مافي معسكر للنازحين نهائي ومافي اكل ولا إغاثة ولا قروش والمنظمات  طلعت ).  

ومن جهة ثانية وجه  والي جنوب دارفور ادم الفكي بإعتقال (7) من قيادات النازحين بمعسكر كلمة على راسهم يعقوب فوري المنسق العام لمعسكرات النازحين واللاجئين، كما وجه الوالي بإعتقال كل شخص  حتى ولو كان وزيرا او مقدوما او ناظرا يقف ضد مشروع العودة الطوعية في دارفور وترحيله لسجن سواكن بولاية البحر الاحمر (لان العودة الطوعية مشروع  بتاع الرئيس ). وقال والي جنوب دارفور  توجهنا هو بالقبض على هولاء السبعة في معسكر كلمة لوقوفهم ضد العودة الطوعية وهم  يعقوب فوري ، والشيخ عثمان ترلين ورئيس الشباب ادريس دربنجاء ، واخرين واضاف قائلا(  السبعة ديل انحن عارفهم  واصلوا ما حنخليهم  حنقبضهم  وحنفتش معسكر والقصة  دي ما حنخليها تمشي ، وأي زول يقيف ضد العودة الطوعية انحن حنقبضوا  ، ومافي زول ارجل من الحكومة) . ووصف كلام النازحين عن التعويضات والمستوطنيين وانعدام  الامن والاعتداءات  وتقديم الشكاوى لليوناميد بالوهم والكلام الفارع ، وقال ان الحكومة اعطت (300) مقعد بسجن سواكن لاستقبال المعتقلين من جنوب دارفور مع وقوف طائرة في المطار في انتظار التحريل لكل من يقف ضد العودة الطوعية. ووجه المعتمدين والعمد بتقديم قوائم بالمطلوبين المعارضين للعودة لاعتقالهم.                

 وحول شكاوي العائدين لمناطقهم  من فقدان الامن  والاعتداءات، قال والي جنوب دارفور نقول للعائيدن (العودة دي ما كسرة بموية ) ورفض  الوالي استقبال اي شكاوي او وفود من العائدين  الا في حال مقتل (10) اشخاص منهم على الاقل ، اما دون ذلك  (ما تجوني )، وقال ان العودة لها ثمن و الحكومة لاتستطيع  ان تحمي اي زول راكب كاروه ماشي يجيب ليهو  حطب. ودعا العائدين الى ان تكون لديهم  عزيمة وقوة ، وقال (انت لازم تبقى عندك عزيمة  وقوة وتقاوم وتقعد لانك داير تستقر وداير تطلع من المعسكرات، واضاف  قائلا (يومتا في مرلا  منطقة عاد اليها الناس كسرو كراع واحد  وجوني كلهم الصباح في نيالا ، قلت ليهم الحكومة تسوى ليكم شنو ما تبقى رجال تقعدوا .. في زول مات منكم  قالوا لا قلت ليهم  .. تاني ماتجوني .. يموت عشرة وبعدين تعالوا .. الحكومة ما بتقدر تحمي كل زول ).